Hér eru tvær greinar sem ég fann og vildi benda ykkur á ef þið eruð að lenda í því að staðna eða standa mikið í stað…

101 low carb weight loss tips from the experts

Top 15 reasons why you are not losing weight on a low carb diet.

Set hér einhverja punkta úr annarri þeirra en mæli með að þið lesið greinarnar sjálf 🙂

Ef þú ert ekki að léttast á lágkolvetna mataræði þá skaltu athuga þetta:

  1. Þú ert að leggja af – áttar þig bara ekki á því. Vigtin er ekki besti mælikvarðinn á árangur því þú getur verið að brenna fitu án þess að léttast. Jafnvel ertu að vigta þig of ört. Er líkaminn að byggja upp vöðva – þeir eru þyngri en fita! Notaðu fleiri viðmið en vigtina – cm mælingar, fitumælingar, MYNDIR!!
  2.  Þú ert ekki að skera nógu mikið niður í kolvetnainntöku. Þarna er reyndar verið að mæla með að fólk fari undir 50g á dag, sem á þá ekki við okkur sem erum nú þegar á ketógenísku fæði – en skoðið vel innihald í öllu mögulegu – kolvetnin leynast víða.
  3. Þú ert undir of miklu álagi! Stress eykur framleiðslu kortisóls og kortisól sér til þess að líkaminn safni forða! Kortisól er líka hátt í líkamanum þegar við vöknum – þessvegna eigum við að fasta í 2klst eftir að við vöknum.
  4. Þú ert ekki að borða alvöru mat. Reyndu að velja fæðu sem er hrein og góð og lítið unnin. Borðaðu kjöt, egg, fisk…minnkaðu notkun á mjöli og þessháttar bakkelsi þó það sé “low carb”. Passaðu líka að vera að fá næga fitu!
  5. Þú ert að borða of mikið af hnetum! Þó að næringargildi í hnetum sé mjög hagstætt hvað varðar fitu þá er auðvelt að borða yfir sig af þeim. Seddu tilfinningin sem þær gefa er oft lítil og auðvelt að klára heilan poka án þess að verða saddur. Hnetur eru líka mjög misjafnlega kolvetnaríkar – skoðið vel innihaldslýsingar á þeim!
  6. Þú ert ekki að sofa nóg! Svefnleysi eykur hungurtilfinningu, það dregur úr okkur orku og drifkrafturinn í okkur minnkar svo viljinn til að borða holt minnkar gjarnan með svefnleysinu.
  7. Þú ert að borða of mikið af mjólkurvöru. Aminósamsetning í mjólkurvörum er þannig að þær hafa mikil áhrif á blóðsykurinn á okkur. Reyndu að forðast allar mjólkurvörur aðrar en smjör.
  8. Þú ert ekki að æfa rétt – eða ekki að æfa neitt. Til langtíma þá mun líkamsrækt stuðla að betra hormónakerfi og þar með betri grunnbrennslu. Það skiptir þó máli að æfa rétt! Styrktaræfingar, lotuþjálfun (HIIT t.d.) og ganga eru málið!
  9. Þú ert að borða of mikið af sætuefnum! Þrátt fyrir að vera kaloríulaus þá geta þau aukið matarlyst og þannig eykst kaloríuinntaka okkar yfir daginn.
  10. Það gæti veri læknisfræðileg orsök að baki…talaðu við lækni, fáðu blóðprufu.
  11. Þú ert sí nartandi. Hér er mælt með föstum, að fasta í 24 klst eða hafa 8 klst glugga til að borða yfir daginn. Þetta verður hver að meta fyrir sig.
  12. Þú ert að leyfa þér of miklar undantekningar. Smá svona hér og smá svona þar sem er ekki innan ramma Carb nite er fljótt að skemma fyrir okkur…
  13. Þú ert að innbyrða of mikið af kaloríum. Það eru skiptar skoðanir um þetta. Skv. CN á líkaminn að finna hvað hann þarf og á ekki að þurfa að hafa áhyggjur af kaloríum.
  14. Þú ert með óraunhæfar væntingar um þyngdartapið. Þetta er langhlaup – ekki spretthlaup.
  15. Þú ert búinn að vera of lengi í “sama farinu”. Hér tala þeir um að taka ekki of löng tímabil í sömu rútínunni en hleðslan á CN ætti að sjá fyrir þessu. Almennt er talað um að ef maður er á ketogenísku eða low carb mataræði án hleðslu þá megi ekki vera lengur en 6 mánuði í einu.